سبەینێ هەینی پرۆسەی دەنگدانی تایبەت لە هەرێمی کوردستان بەڕێوەدەچێت و کۆمسیۆنی باڵای هەڵبژاردنەکانیش جەختدەکاتەوە ئامادەکارییەکانیان تەواوکردووە.
سبەینێ هەینی لە کاتژمێر 7:00 ی بەیانی دەرگای بنکەکانی دەنگدان بەڕووی دەنگدەراندا دەکرێتەوە و کاتژمێر 6:00 ی ئێوارە کۆتاییدێت، بەپێی زانیارییەکانی کۆمسیۆن بێت هیچ پلانێک نییە بۆ درێژکردنەوەی وادەکەی.
بۆ دەنگدانی تایبەت لە هەرێمی کوردستان 215 هەزار و 960 کەس مافی دەنگدانیان هەیە.
165 بنکەی دەنگدان و 749 لە سەرجەم پارێزگاکانی هەرێم و بەشێک لە پارێزگاکانی دیکەی دەنگدان بۆ پرۆسەی دەنگدانی تایبەت تەرخانکراون.
تەنها لە سنووری پارێزگای سلێمانی 57 بنکەی دەنگدان و 276 وێستگە ئامادەیە.
