کەمێک لەمەوبەر وەزارەتی دارایی و ئابووری خشتەی دابەشکردنی مووچەی مانگی ئەیلولی مووچەخۆرانی هەرێمی بڵاوکردەوە.
بەپێی خشتەکە دابەشکردنی مووچە لە سبەینێ هەینی بە خانەنشینی مەدەنی دەستپێدەکات و رۆژی پێنجشەممە بە دابەشکردنی مووچەی سێ سەرۆکایەتییەک کۆتاییدێت.
وەزارەتی دارایی هەرێم جەختدەکاتەوە، وەفدی تەکنیکی وەزارەتی دارایی هەرێمی کوردستان لەبەغداد لەگەڵ وەزارەتی دارایی حکومەتی فیدراڵ لەهەماهەنگیدا دەبن بۆ چارەسەری تەواوی ئەو شایستە راگیراوانەی چەند مانگی رابردوو.
