بەڕێوەبەرايەتیی بەرگریی شارستانیی پارێزگای هەولێر، لەبارەی گڕگرتنی ئۆتۆمبێلەوە هۆشداری دەدات و هۆکارەکان دەخاتەڕوو.
هۆکارەکانی سووتانی ئۆتۆمبێل لە وەرزی هاوين:
گەرمبوونی بزوێنەر: لەکارکەوتنی سیستمی ساردکەرەوە یان کەمیی ئاوی ڕادێتەر، گەرمیی مەکینەکە بە شێوەیەکی مەترسیدار بەرزدەکاتەوە.
دزەکردن و لێچوونی ماددە سووتێنەرەکان: دزەکردنی بەنزین یان ڕۆنی مەکینە لەسەر بەشە گەرمەکان دەبێتە هۆی داگیرساندنی خێرا.
کێشەی کارەبایی: تێکچوون یان داخورانی وایەرەکان پریشکی کارەبایی دروستدەکات لەگەڵ بوونی گەرمی.
ماددە گڕگرتووەکان: چەرخ، بۆن یان بوتڵی بەتاڵ و پاوەربانک و مۆبايل لە ئۆتۆمبێلدا لە ژێر تیشکی خۆری ڕاستەوخۆ مەترسی گڕگرتن و سووتانيان دەبێت.
بەرگریی شارستانیی هەولێر دەڵێت، پێويستە هەموو ئۆتۆمبێلێك بوتڵی ئاگرکوژێنەوەی دەستیی تێدابێت و شۆفێران ژمارەکانی بەڕێوەبەرايەتیی بەرگریی شارستانی 115ـ125 بزانن لە هەر ڕووداوێکی نەخوازراو بە زووترين کات پەيوەندی بکەن.
