کۆمەڵەی داکۆکی لە مافی کرێنشینان رایگەیاند، ئەو یەکەی نیشتەجێبوونانەی بەسەر کەسوکاری شەهیداندا دابەشکران، مافی کرێنشینان بووە و یارییان بە هەستی خەڵکی کرد.
کارزان رەسوڵ سەرۆکی لقی هەولێر کۆمەڵەی کرێنشینان لە کۆنگرەیەکی رۆژنامەوانیدا رایگەیاند، ئەو یەکە نیشتەجێبوونانەی بەسەر کەسوکاری شەهیداندا دابەشکرا، پرۆژەکەی بۆ ساڵی 2011 ی وەزارەتی ئاوەدانکردنەوە دەگەڕێتەوە کە ئەو کاتە خۆمان بەشداربووین لە دابەشکردنی.
ئاماژەی بەوەشکرد، ماوەی 11 ساڵە فۆرمی ئۆنلاین بە کرێنشینان پڕکراوەتەوە، بەڵام فێڵیان لێکردن و دایان بە دەزگای بارزانی و بەسەر کەسوکاری شەهیداندا دابەشکرا و بۆ هەڵمەتی بانگەشەی هەڵبژاردن بەکارهێندرا.
