لەسەر داوای جۆ بایدن سەرۆکی ئەمریکا ماوەی سێ رۆژە هیچ هێرشێکی مووشەکی نەکراوەتە سەر خاکی بەیروت.
دەستەی پەخشی ئیسرائیل بڵاویکردووەتەوە، ماوەی سێ رۆژە سوپای ئیسرائیل هیچ هێرشێکی نەکردووەتە سەر بەیروتی پایتەختی لوبنان ئەمەش لەژێر رۆشنایی راسپاردەکان لەسەر ئاستی سیاسی.
ئاشکراشیکرد، کۆتا هێرش کە ئەنجامدراوە پێنجشەممەی رابردوو بووە و بەرپرسێکی باڵای حزبوڵا کراوەتە ئامانج.
لای خۆیەوە رۆژنامەی تایمز ئۆف ئیسرائیل بڵاویکردووەتەوە، بایدن داوای لە نەتەنیاهو کردووە هێرشەکان رابگرێت، لە هەفتەی رابردووشدا تەنها دوو هێرش ئەنجامدراون.
