کۆمپانیای جێبەجێکاری پڕۆژەی کامێرای خاڵ بۆ خاڵی سلێمانی و هاوبەشی بەڕێوەبەرایەتیی هاتوچۆی سلێمانی دەڵێت، “پرۆژەی کامێرای خاڵ بۆ خاڵی رێگای چەمچەماڵ کارناکات” و ئەو دەنگۆیانەش بە ناڕاست لە قەڵەم دەدات کە باس لە کارپێکردنی پڕۆژەکە دەکەن.
بە گوێرەی نوسراوێک کە وێنەیەکی دەست تۆڕی میدیایی ئێستا کەوتووە و واژووی بەڕێوەبەریی رێگەپێدراوی کۆمپانیاکەی لەسەرە، هاتووە، پڕۆژەکە تەواونەکراوە و دیاریش نییە کەی تەواو دەبێت و دەکەوێتە کار.
دەشڵێت، “ئەو هەواڵانەی لە هەندێک پەیج و کەناڵی راگەیاندن بڵاودەکرێتەوە سەبارەت بە پڕۆژەکە ناڕاستن و هیچ بنەمایەکی نییە، دەربارەی کارکردنی پڕۆژەکە”.
