ئەمڕۆ پێنجەمین کەرنەڤاڵی بانگەشەی هەڵبژاردنی یەکێتی لە دەڤەری راپەڕین بەڕێوەدەچێت.
کاروان گەزنەیی، وتەبێژی لیستی 129ی یەکێتیی نیشتمانیی کوردستان، رایگەیاند، ئەمڕۆ یەکێتی پێنجەمین کەرنەڤاڵی فراوانی خۆی بۆ بانگەشەی هەڵبژاردنی خولی شەشەمی پەرلەمانی کوردستان بۆ ساڵی 2024 لە دەڤەری راپەڕین ئەنجامدەدات.
دەشڵێت، لەو کەرنەڤاڵەدا، “بافڵ جەلال تاڵەبانی، سەرۆکی یەکێتیی نیشتمانیی کوردستان، وتارێک پێشکەش بە هاوڵاتییانی بتوێن و پشدەر و یەکێتییەکان و هاوڵاتییانی هەرێمی کوردستان دەکات”.
لەبارەی کات و شوێنی کەرنەڤاڵەکەوە کاروان گەزنەیی دەڵێت، کەرنەڤاڵەکە کاتژمێر 3:30 خولەکی پاشنیوەڕۆ لەنێوان قوڕەگۆ و دەربەند- سەر شەقامی سەرەکیی رانیە دەربەند، بەڕێوەدەچێت.
