رووداوێکی هاتوچۆی سەخت لە سەر رێگای قەزای بەردەرەش بۆ ناحیەی کەلەک روویدا و بەهۆیەوە حەوت کەس بوونە قوربانی.
ئازاد تەها وتەبێژی هاتوچۆی دهۆک رایگەیاند، رووداوەژە کاتژمێر 5:00 ی ئەم ئێوارەیە لە نزیک گوندی گردەپان روویداوە و بەهۆیەوە کەسێک گیانی لەدەستداوە و شەش کەسی دیکەش برینداربوون.
رووداوەکە لەنێوان بارهەڵگرێک و ئۆتۆمبێلێک لە جۆری تۆیۆتا هایلۆکس روویداوە و جگە لە زیانە گیانییەکان زیانێکی زۆری ماددیشی بەدواوە بووە.
