ئەمڕۆ لە قائیمقامیەتی سلێمانی فەرمانبەران دەستیانکردووە بە رێکارەکانی تەوتین کردن و سەرجەم فەرمانبەران فۆڕمیان پڕکردووەتەوە.
شاهۆ مستەفا فەرمانبەر لە قائیمقامیەتی سلێمانی بە تۆڕی میدیایی ئێستای راگەیاند، لەدوای بڕیارەکەی سەرۆکی یەکێتی بۆ تەوتینکردنی مووچەی فەرمانبەران لەلایەن پارێزگای سلێمانییەوە نووسراوێکمان ئاڕاستەکراوە بۆ پڕکردنەوەی فۆڕمێک لەلایەن فەرمانبەرانەوە.
ئاماژەی بەوەشکرد، فۆڕمەکە بەدەست زۆربەی فەرمانگەکان گەیشتووە، کە تێیدا بە چەند زانیارییەکی فەرمانبەرەکان پڕدەکرێتەوە و دواتر دەخرێتەوە ناو داتابەیسێکەوە و فۆڕمی تەوتینی پێپڕدەکرێتەوە.
جەختیکردەوە، تەواوی فەرمانبەرانمان ئەو فۆڕمەیان پڕکردووەتەوە کە هەنگاوێکی باشە بۆ تەوتینکردن.
