شارەزایەکی جیهانیی پیری لە توێژینەوەیەکیدا سەلماندوویەتی منداڵەکانمان بە دەگمەن دەگەنە تەمەنی 100 ساڵی و تەمەنیان کورتتر دەبێت بەراورد بە نەوەکانی رابردوو.
جای ئۆلشانسکی شارەزای بواری پیرییە لە زانکۆی ئیلینۆی لە شیکاگۆ، لە ساڵی 1990 رایگەیاند، پێشبینیدەکەین زیادبوونی تێکڕای تەمەن بەرەو خاوبوونەوە بڕوات و نەوەکانی داهاتوومان تەمەنیان درێژنەبێت.
لە کاتی راگەیاندنی ئەو پێشبییەدا کەسانێکی زۆر ئەم بۆچوونەیان رەتکردەوە، بەڵام دوای تێپەڕبوونی 34 ساڵ بە بەڵگەوە قسەکانی سەلماند و ئاشکرایکرد، کە ئەو ماوەیە کاریکردووە و چاوەڕێی کردووە تا تیۆرەکەی بسەلمێنێت.
ئەو زانایە دەڵێت، لە ماوەی دواییدا قەڵەوی بە شێوەی بەرچاو بڵاوبووەوە کە ئەمەش هۆکارە بۆ تووشبوون بە چەندین نەخۆشی وەک شەکرەی جۆری دووەم و نەخۆشییەکانی دڵ.
ئاشکراشیدەکات، تێکڕای تەمەنی ئەو منداڵانەی لە ساڵی 2019 لەدایکبوون 85 ساڵانە و بە گشتیی 1% یان دەگەنە تەمەنی 100 ساڵان.
