فەتحوڵا عومەر جێگری بەڕێوەبەری خانەنشینی پێشمەرگە بە تۆڕی میدیایی ئێستای راگەیاند، دواکەوتنی مووچەی خانەنشینانی پێشمەرگە پەیوەندی بە وەرگرتنی رەزامەندی وەزارەتی داراییەوە هەیە، لە ئێستادا لەسەر خەتین بۆ چارەسەری ئەو کێشەیە.
وتیشی، چاوەڕێین ئەمڕۆ وەزارەتی دارایی رەزامەندی لەسەر لیستی خانەنشینانی پێشمەرگە بدات و سبەینێ مووچەکانیان وەربگرن.
بەپێی لیستی مووچە دەبوو لە رۆژی هەینی رابردوو خانەنشینانی پێشمەرگە مووچەکانیان وەربگرن، بەڵام بەهۆی ئەو کێشەیەی دروستبووە، تا ئەمڕۆ سێشەممە بەشێکیان مووچەکانیان وەرنەگرتووە.
