کۆمەڵەکە لە راگەیەندراوێکدا دەڵێت، پشتگیریی بڕیارەکەی بافڵ جەلال تاڵەبانی، سەرۆکی یەکێتیی نیشتمانیی کوردستان دەکەین بۆ رەتکردنەوەی هەژماری من و دەمانەوێت مووچە تەوتین بکرێت.
کۆمەڵەی کارگێڕانی تەندروستیی کوردستان دەشڵێت، ماوەی چەند ساڵێکە هەر ساڵە و بە بیانوویەک، مووچەی چەند مانگێکی فەرمانبەرانی هەرێمی کوردستان نادرێت و ئەوەش راستەوخۆ کاریگەری لەسەر ژیان و گوزەرانیان هەبووە.
جەختیش دەکەنەوە، لە بەبانکیکردنی مووچەی فەرمانبەران لە بانکە فیدڕاڵییەکان (رافیدەین و رەشید و تی بی ئای) بەپێی بڕیاری دادگای فیدڕاڵیی عێراق.
