ئەندامێكی ئەنجومەنی نوێنەرانی عێراق رایدەگەیەنێت، مووچەی خانەنشینانی سەربازیی لە هەرێم هاوتای عێراق دەكرێت، بەڵام ئەو بابەتە پێویستی بە وردبینی لە دۆسییەكاندا هەیە و بڕیارەكەی دادگای فیدراڵیی عێراق روونە كە دەبێت مووچەی خانەنشینان هاوتای عێراق بكرێت.
دارا سێكانیانی، ئەندامی ئەنجومەنی نوێنەرانی عێراق لە لێدوانێكدا بە تۆڕی میدیایی ئێستای راگەیاند، بڕیاری دادگای فیدراڵیی عێراق روونە و دەبێت مووچەی خانەنشینانی هەرێم هاوتای عێراق بكرێت و كار بەو بڕیارە دەكرێت كە ئەوەش پێویستی بە كات هەیە و وردبینی لە دۆسییەكانیاندا دەكرێت.
راشیگەیاند، لە دوا سەردانی وەزیری دارایی عێراق بۆ پەرلەمانی عێراق جەختیكردەوە كە وردبینی لە داتای سەرجەم مووچەخۆراندا دەكەن”.
