دیارترین بێژەری كەناڵی سی ئێن ئێن-ی ئەمریكی دەڵێت، واشنتن-ی پایتەخت وەك بەغدادی لێهاتووە بەهۆی بڵاوبوونەوەی هێزەكانی سوپا تیایدا.
وۆڵف بلیتزەر، بێژەری كەناڵەكە لە تویتێكدا دەڵێت، “هێزەكانی پاسەوانی نیشتیمانی لە گۆشەی شەقامێكی ئاسایی واشنتن كۆكراونەتەوە، نەك لە نزیك بینای كۆنگرێس. زۆرێك لە شەقامەكانیش داخراون، ئەمانە ناوچەكانی جەنگم بەبیردادەهێننەوە كە لە بەغداد یان موسڵ یان فەلوجە بینومن. من زۆر نیگەرانم”.
I spotted these National Guard troops at a normal Washington street corner not even near the Capitol. So many streets have been closed. It reminds me of the war zones I saw in Baghdad or Mosul or Falluja. So sad. pic.twitter.com/la1Ixiva0D
— Wolf Blitzer (@wolfblitzer) January 15, 2021
تویتەكەی ئەو بێژەرە لەكاتێكدایە ژمارەیەك لە بەرپرسانی ئەمنی بە كەناڵەكەیان وتووە كە نزیكەی 30 هەزار پاسەوانی نیشتیمانی لە واشنتن بڵاوپێكراون بۆ پشتیوانی پۆلیسی كاپیتۆڵ و پۆلیسی پایتەخت.
سەرجەم ڕێوشوێنەكانی واشنتن هاوكاتە لەگەڵ نزیكبوونەوەی ئاڵوگۆڕی دەسەڵات لەنێوان ئیدارەی ئێستا و نوێی ویلایەتە یەكگرتووەكان كە بڕیارە لە 20ی ئەم مانگە بەڕێوەبچێت.
بەپێی میدیاكان ژمارەی ئەو هێزانە لەئێستادا لە نزیك بینای كاپیتۆل بڵاوپێكراون زیاترە لە كۆی ژمارەی سەربازانی ئەمریكی لە هەردوو وڵاتی عێراق و ئەفغانستان.
