ماوەی شەش هەفتەیە پرۆژەی كۆكردنەوە و ڤاكسینكردنی سەگی بێلانە لە سلێمانی بەردەوامە و دامەزراوەی ڤیم دەڵێت، تائێستا 144 سەگ نەزۆك كراون.
دامەزراوەی ڤیم رایگەیاند، پڕۆژەی (تی ئێن ئاڕ -TNR)، پڕۆژەیەکی دامەزراوەكەیانە، کە بە هاوبەشی لەگەڵ سەرۆکایەتیی شارەوانیی سلێمانی و بەڕێوەبەرایەتیی ڤێتێرنەری سلێمانی بەڕێوەدەچێت.
دەشڵێت، لە درێژەی هەڵمەتی بەڕێوەچوونی پڕۆژەی (تی ئێن ئاڕ -TNR)دا، کە تا ئەمڕۆ هەڵمەتەکە پێی ناوەتە هەفتەی (شەش)ی کارکردنیەوە، بەهۆیەوە (144)، سەگ نەزۆککران و پاشان بۆ پاراستن لە نەخۆشیەکان ڤاکیسن کران.
دامەزراوەی ڤیم ئاماژەشدەدات، ڤیم لە پڕۆژەکەدا رۆڵی گەورە و کاریگەرە، چونکە جگە لەوەی ئەرکی دابینکردنی پێداویستیی و کەرەستە پزیشکییەکانی گرتەئەستۆ، لە هەمان کاتدا قۆناغ بە قۆناغی چۆنێتی ئەنجامدانی کردەی (تی ئێن ئاڕ)ی دۆکیۆمێنت کردووە، پڕۆژەکە بەردەوام دەبێت تا ئەوکاتەی نزیکەی (500)، سەگ نەزۆک دەکرێن.
