لە ناحیەی رەشادی باشووری پارێزگای کەرکوك هێرشکرایە سەر هێزێکی سوپای عێراق و کوژراو و بریندار هەیە.
پەیامنێری تۆڕی میدیایی ئێستا لە کەرکوک گواستییەوە، ئەمڕۆ چوارشەممە لە ناحیەی رەشادی باشووری شاری کەرکوک هێزێکی فیرقەی 11 ی سوپای عێراق کەوتوونەتە بۆسەوە، سەرەتا بۆمبی چێندراویان پێداتەقیووەتەوە و دواتر هێرشی چەکداری کراوەتە سەریان.
ئاشکراشیکرد، بەپێی زانیارییەکان پێنج سەرباز گیانیان لەدەستداوە و پێنجی دیکەش برینداربوون.
باسیلەوەشکرد، لە ئێستادا لیژنەی لێکۆڵینەوە لە رووداوەکە دروستکراوە و هێزێکی پشتیوانی ئاسمانیش گەیشتووەتە ناوچەکە.
