قوباد تاڵەبانی، لێپرسراوی مەكتەبی سكرتارییەتی سەرۆك مام جەلال ژمارەیەك لە گوندەكانی سنووری پشدەر لە ئیدارەی راپەڕینی بەسەر كردەوە.
لێپرسراوی مەكتەبی سكرتارییەتی سەرۆك مام جەلال لە سەردانەكەیدا بۆ گوندەكانی شێنێ، زەڵێ و چەند گوندێكی دیكەی سنوورەكە لەگەڵ دانیشتووانی ئەو گوندانە كۆبووەوە و سڵاوی سەرۆكی یەكێتی و پەیامی یەكێتیی نیشتمانیی كوردستانی پێ گەیاندن و رایگەیاند، یەكێتی ئێستا، یەكێتی چەند ساڵ لەمەوبەر نییە، بەڵكو هەمان ئەو یەكێتییە بەهێزەیە كە خەڵكی كوردستان دەیانەوێت”.
وتیشی، “یەكێتی ئێستا لەژێر سەركردایەتیی سەرۆك بافڵدا ئەو هێزەیە كە هەر بەڵێنێك بدات و هەر بڕیارێك بدات جێبەجێی دەكات و بڕیاریشی داوە كە لەپێناو خزمەتكردنی خەڵكی كوردستاندا رێڕەوی حكومڕانی لە هەولێر راستبكاتەوە و دەشیكات”.
