بەهۆی هێرشەکانی سەر لوبنانەوە، لە 24 کاتژمێری رابردوودا 105 کەس کوژراون و 359 کەس برینداربوون.
ئەمڕۆ دووشەممە، وەزارەتی تەندروستیی لوبنان رایگەیاند، لە هێرشەکانی ئیسرائیل بۆ سەر زۆرێک لە شار و شارۆچکەکانی لوبنان، بەتایبەت ناوچەکانی باشووری وڵاتەکە 105 کەس کوژراون و 359 کەس برینداربوون.
لە رۆژی 23ی ئەیلولەوە هێرشی ئیسرائیل بۆ سەر لوبنان دەستیپێکردووە و تا ئێستا هەزاران کەس کوژراون یان برینداربوون، جگە لە ئاوارەبوونی زیاتر لە ملیۆنێک لوبنانی و رۆیشتنی زیاتر لە 70 هەزار کەس بۆ دەرەوەی وڵات.
