محەمەد شیاع سودانی، سەرۆک وەزیرانی عێراق پەیوەندییەکی تەلەفونی لەگەڵ سەرۆک وەزیرانی حکومەتی لوبنان ئەنجامدا، تێیدا هەڵوێستی عێراقی لە پشتیوانیکردنی لوبنان دووپاتکردەوە.
نووسینگەی راگەیاندنی سەرۆک وەزیرانی عێراق بڵاویکردەوە، محەمەد شیاع سودانی سەرخۆشی حکومەت و گەلی عێراقی بۆ کوژرانی حەسەن نەسڕوڵڵا و یاوەرانی دووپاتکردووەتەوە.
هاوکات، پشتیوانیی و هەڵوێستی نەگۆڕی عێراقی لە پاڵپشتیی عێراق بۆ گەلی لوبنان و پێشکەشکردنی هاوکارییەکان وەک بەشێکی گرنگی هەڵوێستی وڵاتانی عەرەبی و ئیسلامی لەپێناو سنووردارکردنی هێرشەکان بۆ سەر ئاسایش و سەقامگیریی ناوچەکە راگەیاندووە.
