بەهۆی ئامادەنەبوونی بەشە ناوخۆییەکان بۆ خوێندکاران، زانکۆی سلێمانی دەستپێکردنی ساڵی نوێی خوێندن دوادەخات.
لە راگەیەندراوێکی سەرۆکایەتیی زانکۆی سلێمانیدا هاتووە، بەپێی بڕیاری ئەنجومەنی زانكۆ وا بڕیار بوو وەرزی نوێی خوێندنی 2024- 2025 لە 28 ی ئەیلول بە رەسمی دەستپێبكات، بەڵام بەهۆی نەگەڕانەوەی وەڵامی تەندەری ئامادەكردن و پاككردنەوەی بەشە ناوخۆییەكان، دەوامی خوێندنی زانكۆ دوادەخرێت.
