ئەنجومەنی وەزیرانی هەرێم رایدەگەیەنێت، دوای گفتوگۆ و راگۆڕینەوە، بەشێوەیەكی مەبدەئی، بابەتی بەهەمیشەییكردنی فەرمانبەرانی گرێبەستی پەسەندكرد و داوا لە حكومەتی عێراق دەكات بەهەمیشەییكردنی فەرمانبەرانی گرێبەست وەك هەنگاوێكی سەرەتایی پەسەندبكات.
فەرمانگەی میدیا و زانیاریی حكومەتی هەرێم راگەیەندراوێكی بڵاوكردووەتەوە و دەڵێت، “ئەنجومەنی وەزیران دوای گفتوگۆ و راگۆڕینەوە، بەشێوەیەكی مەبدەئی، بابەتی بەهەمیشەییكردنی فەرمانبەرانی گرێبەستی پەسەندكرد بە هەمان ئەو مەرج و میكانیزم و رێكارانەی كە حكومەتی عێراق لەمبارەیەوە پەیڕەویان دەكات و بەگوێرەی پێداویستی و تایبەتمەندیی دامەزراوەكانی هەرێمی كوردستان.
هەر لە راگەیەندراوەكەدا هاتووە، بۆ ئەم مەبەستە وەزارەتی دارایی و ئەنجومەنی گشتیی راژەی هەرێمی كوردستان راسپێردران، ڕێكاریی پێویست بگرنەبەر.
