رێبوار تەها پارێزگاری کەرکوک پڕۆژەی دامەزراندنی 19 خوێندنگای حكومی بە پێوەری نێودەوڵەتی لە شارەکە راگەیاند.
رێبوار تەها پارێزگاری کەرکوک لە کۆنگرەیەکی رۆژنامەوانیدا رایگەیاند، خوێندن و سیستەمی بەڕێوەبردن لەو خوێندنگانە بە پێوەری نێودەوڵەتی و بە خۆڕایی دەبن، لەقۆناغی یەكەمدا و بۆ ئـەمساڵی خوێندن چوار هەزار و 500 خوێندکار بۆ پۆلەكانی (1-4) ی سەرەتایی سودمەند دەبن و خوێندکارانیش هەڵسەنگاندنیان بۆ دەكرێت و وەردەگیرێن.
ئاماژەی بەوەشکرد، ئەو 19 خوێندنگەیە لەسەر بنەمای دانیشتووان دابەشكراوە بەسەر قەزا و ناحییەكان و ناوەندی شار، بەجۆرێك خوێندكارانی گەڕەكە جیاوازەكان بتوانن لێیسوودمەندبن.
ئاشکراشیکرد، ئیدارەی كەركوك لەهەوڵەكانی بەردەوام دەبێت تا خزمەتەكانی لە بواری پەروەردە و فێركردن و سەرجەم بوارەكانی دیكە پەرەپێبدات بە ئامانجی خزمەتكردنی زیاتری دانیشتووانی كەركوك بەسەرجەم پێكهاتەکانەوە.
