دوای ئەوەی دەنگۆی فرۆشتنی بینای دادگای سلێمانی بڵاوکرایەوە، دادگاکە ئەو دەنگۆیەی رەتکردەوە و راگەیەندراوێکی بڵاوکردەوە.
سەرۆکایەتیی دادگای تێھەڵچوونەوەی ناوچەی سلێمانی لە راگەیەندراوێکدا بڵاویکردەوە، “لە چەند سایت و پەیج و سۆشیال میدیایەك هەواڵێکی ناڕاست بڵاوکراوەتەوە کە گوایە شوێنی بینای دادگای سلێمانی فرۆشراوە و دەکرێتە پرۆژە، بە هەموو لایەکی رادەگەیەنین کە ئەم هەواڵە دوورە لە راستییەوە و هیچ بنەمایەکی نییە”.
دەشڵێت، “لەگەڵ ئەوەی کە نازانین بە چ مەرامێك ئەم هەواڵە ناڕاست و بێبنەمایانە بڵاودەکرێنەوە، بە مافی خۆشمانی دەزانین سکاڵای یاسایی دژی ئەو سایت و پەیجانە تۆماربکەین”.
