كەمێك پێش ئێستا، وەفدێكی لیژنەی دارایی لە ئەنجومەنی نوێنەرانی عێراق گەیشتە هەولێر و بڕیارە لەگەڵ وەزارەتی دارایی هەرێم لەسەر پرسی مووچە و بەبانكیكردنی مووچەی مووچەخۆرانی هەرێم كۆببنەوە.
بەپێی زانیارییەكانی تۆڕی میدیایی ئێستا، بڕیارە وەفدەكەی لیژنەی دارایی لەگەڵ وەزارەتی دارایی هەرێم كۆببنەوە و باس لە كێشە داراییەكانی نێوان هەرێم و بەغداد دەكرێن و ئەو تێبینییانەی حكومەتی عێراق هەیبووە هەوڵدەدرێت چارەسەربكرێت.
ئاماژە بۆ ئەوەش كراوە، لیژنەكە ماوەی چەند رۆژێك لە هەولێر دەمێننەوە و سەرجەم ئەو كێشانەی لە نێوان هەرێم و بەغدا هەن گفتوگۆیان لەسەر دەكرێت و هەوڵی چارەسەركردنیان دەدرێت.
