بەڕێوەبەرایەتیی هاتوچۆی دەربەندیخان رایدەگەیەنێت، كەمێك پێش ئێستا تانكەرێكی گواستنەوەی سووتەمەنی لە فولكەی پەری دەریا لەناو شاری دەربەندیخان وەڕگەرا و بەهۆی رژانی سووتەمەنییەكەیەوە مەترسیی كەوتنەوەی ئاگر هەیە.
لە راگەیەندراوەكەی هاتوچۆی دەربەندیخاندا هاتووە، شۆفێری تانكەرەكە سەلامەتە و بەهۆی رژانی سووتەمەنییەكەیەوە مەترسیی كەوتنەوەی ئاگر هەیە و داوا لە هاوڵاتییان دەكەین لە شوێنی رووداوەكە دووربكەونەوە.
دەشڵێت، “لە ئێستا رێگا نادرێت بارهەڵگر لەو رێگایە هاتوچۆ بكات و تیمەكانمان لە شوێنی رووداوەكەن و هەوڵدەدەن بە زووترین كـــات هاتوچۆكردن لە رێگاكە ئاساییبكرێتەوە”.
