سەرۆك بافڵ جەلال تاڵەبانی لە پەیامێكدا بۆ كۆنگرەی پارتی یەكێتيی دیموكراتی (پەیەدە) رایگەیاند، باشترین بژاردە بۆ ئەو گۆڕانكارییانەی هاتوونەتە پێش چارەسەری ئاشتییانە و پەنابردنە بۆ دیالۆك.
ئەمەش دەقی پەیامەكەیە :
بەڕێزان و هەڤاڵانمان لە پارتی یەكێتيی دیموكراتی پەیەدە:
بەبۆنەی بەستنی دەیەمین كۆنگرەی پارتە شۆڕشگێڕەكەتانەوە گەرمترین پیرۆزبایی خۆم و یەكێتیی نیشتمانیی كوردستانتان ئاڕاستەدەكەم و هیوای سەركەوتنتان بۆ دەخوازم .
بەڕێزان
بەستنی كۆنگرەكەتان لە هەلومەرجێكی هەستیاردایە كەناوچەكەمان و رۆژهەڵاتی ناوەڕاست دووچاری ئاڵنگاریی گەورەبووەتەوە كە لە هەمووكات زیاتر پێویستمان بە هاریكاری و كاری هاوبەش هەیە بۆ پارێزگاریكردن لە مافە نەتەوەییەكانمان و ئەو دەستكەوتانەی بەدەستهاتوون .
ئێمە باوەڕمان وایە هیچ كێشەو ئاریشەیەك نییە كە بە گفتوگۆ چارەسەرنەكرێن، باشترین بژاردەش بۆ ئەم گۆڕانكارییانەی هاتوونەتە پێش چارەسەری ئاشتییانە و پەنابردنە بۆ دیالۆك وەك وتوشمانە هاتە پرسی كورد لە ناوچەكەدا چارەسەرنەكرێت سەقامگیری لە رۆژهەڵاتی ناوەڕاستدا بەدینایەت و هیوادارم هەموولایەك بگەڕێتەوە سەر مێزی گفتوگۆ باوەڕی تەواومان بە پێكەوەژیان و كاری پێكەوەیی ببینە هاوبەش نەك دوژمنی یەكتری.
بەڕێزانمان لە كۆنگرەی پارتی یەكێتيی دیموكراتی پەیەدە
دڵنیام لەم ئەزموونەشتاندا سەركەوتوودەبن، كە چاوەڕوانین راسپاردە و بڕیارەكانتان لە خزمەتی زیاتری ئامانجە باڵاكانی گەلی كورد و پێكەوەژیانی ئاشتییانەی هەمووگەلان بێت .
دڵسۆزتان
بافڵ جەلال تاڵەبانی
سەرۆكی یەكێتیی نیشتمانیی كوردستان
