بەڕێوەبەرایەتیی هاتوچۆی گەرمیان بڵاویکردەوە، درەنگانی شەوی رابردوو، لە نزیک کاتژمێر 2:30 خولەک لەسەر رێگای کەلار – کفری نزیک گوندی حاجی عەواد، ماتۆڕسکیلێک بە ئاڕاستەی قەزای کەلار رۆیشتووە و وەرگەڕاوە و بەهۆیەوە دوو کەس برینداربوون.
بەڕێوەبەرایەتییەکە ئاماژەی بەوەشکردووە، بەهۆی رووداوەکەوە لێخوڕ و سەرنشینێکی ماتۆڕسکیلەکە برینداربوون، گەیەنرانە نەخۆشخانەی فریاکەوتنی شەهید هەژار بەمەبەستی وەرگرتنی چارەسەر.
هاوکات باس لەوەشکراوە، بریندارەکان لەدایکبووی ساڵی 1995 و 2004ن و دانیشتووی ناحیەی رزگاری سەر بەقەزای کەلارن، و بەهۆی سەختی برینەکەیەوە یەکێک لە بریندارەکان رەوانەی نەخۆشخانەی سلێمانی کران.
جێگەی ئاماژەیە، هەر شەوی رابردوو، لە گەرمیان چەند رووداوێکی دیکەی هاتوچۆ روویانداوە و بەهۆیەوە بە کۆی گشتی رووداوەکان شەش کەس برینداربوون.
