وەزارەتی کۆچ و کۆچبەرانی عێراق بڵاویکردەوە، لە پرسی گەڕانەوەی ئاوارەکان بۆ زێدی خۆیان پارێزگاکانی هەولێر و دهۆک بە گوێرەی پێویست هاوکارییان نەکردوون.
سامر مەشکور بەڕێوەبەری پارێزگاکانی هەرێم لە وەزارەتی کۆچ و کۆچبەرانی عێراق رایگەیاندووە، ژمارەی ئەو ئاوارانەی لە سلێمانییەوە گەڕاونەتەوە شوێنەکانی خۆیان بەراورد بە هەولێر و دهۆک زیاترە هۆکاری ئەمەش ئەوەیە لەو پارێزگایە هاوکاری و هەماهەنگی بۆ گەڕانەوەیان کراوە.
ئاماژەی بەوەشکرد، پارێزگاکانی هەولێر و دهۆک بەگوێرەی پێویست هاوکار نەبوون، هۆکاری سیاسی لە پشت ئەمەوە هەیە.
ئاشکراشیکرد، لە تەواوی عێراق ناوچەکان ئازادکراون و ئاسایشیان تێدا بەرقەرارە و گونجاوە بۆ گەڕانەوەی ئاوارەکان بۆ زێدی خۆیان.
مانگی تەمموزی ئەمساڵ دوا وادەیە بۆ گەڕانەوەی ئاوارەکان بۆ زێدی خۆیان و چۆڵکردنی کەمپەکان.
