سەرۆکی کۆمەڵەی فەلەکناسیی کوردستان رایگەیاند، رۆژی یەکشەممەی داهاتوو بە کاتی هەرێمی کوردستان یەکەمین رۆژی وەرزی پاییزە.
ئەژی چەتۆ، سەرۆکی کۆمەڵەی فەلەکناسانی کوردستان بە تۆڕی میدیایی ئێستای راگەیاند، “بەپێی هەژمارە فەلەکییەکان رۆژی یەکشەممەی داهاتوو 22ی ئەیلول لە نیوەگۆی باکووری زەوی دەچینە وەرزی پاییزەوە و نیوەگۆی باشووری زەویش دەچنە وەرزی بەهارەوە”.
ئاماژەی بەوەشکرد، یەکەم رۆژی پاییز کاتەکانی شەو و رۆژ یەکسان دەبن بە 12 کاتژمێر، لەدواتردا هێدی هێدی رۆژ بەرەو کورتبوونەوە دەڕوات و شەو درێژتردەبێت، بەڵام گۆڕانکارییەکانی کەشوهەوا بە شێوەی پلەبەندی روودەدەن.
