بەر لە نەورۆز مووچەی سەرجەم وەزارەت و دەستەكان دەدرێت

جوتیار عادل

وتەبێژی حكومەتی هەرێم ڕایدەگەیەنێت، لە سبەینێوە دابەشكردنی مووچەی مانگی شوبات دەستپێدەكات و دەڵێت، “ئامادەین لەگەڵ عێراق ڕێكبكەوین و شاندێك بۆ دانوستاندن بنێرینە بەغداد”.

جوتیار عادل، وتەبێژی حكومەتی هەرێمی كوردستان ئەمڕۆ لە كۆنگرەیەكی ڕۆژنامەوانیدا ڕایگەیاند، لە بەشێكی داهاتی مانگی سێ “ئازار” مووچەی مانگی شوبات “دوو” دابەشدەكەین و ئەركی لەپێشینەمان دابینكردنی مووچەیە.

ئاماژەی بەوە كرد، بەر لە جەژنی نەورۆز مووچەی سەرجەم وەزارەت و دەستەكان دابەشدەكرێت و وتی، “ئەو 200 ملیار دینارەی بەغداد پێشتر ناردوویەتی زۆر كەمترە لە پشكی هەرێمی كوردستان”.

وتەبێژەكەی حكومەت ڕاشیگەیاند، “بڕیارەكەی دادگای فیدراڵیی لەبارەی دۆسیەی نەوتەوە مافە دەستوورییەكانی هەرێمی كوردستانی پێشێلكرد، ئێمە ئامادەین شاندێكی هونەری و تەكنیكی بۆ دانوستاندن بنێرینە بەغداد”.

وتەبێژی حكومەتی هەرێم باسی لەوە كرد، “زیادكردنی باج و ڕسومات بۆ ئەوە نییە كە داهاتمان زیادبكات، بەڵكو ئێمە چەند خزمەتگوزارییەك پێشكەش بە هاوڵاتییان دەكەین كە ئەركی حكومەتە، بەڵام بەشێك لە خزمەتگوزارییەكان پێویستیان بە داهات هەیە”.

بابەتی پێشتر

بافڵ جەلال تاڵەبانی پەیامێك ئاراستەی حزبی زەحمەتكێشان دەكات

بابەتی دواتر

پۆلیسی كەركوك: بكوژی ماریا دەستگیركرا

بابەتی پەیوەندیدار
Total
0
Share