سەرۆک ئەرکانی هاوبەشی هێزەکانی کۆریای باشوور رایگەیاند، کۆریای باکوور نزیکەی 160 باڵۆن کە خۆڵ و خاشاکیان تێدا بووە بەرەو وڵاتەکەمان هەڵیانداوە.
لە راگەیەندراوێکدا سەرۆک ئەرکانی هاوبەشی هێزەکانی کۆریای باشوور ئاماژەی بەوەکرد، ”نزیکەی 30 باڵۆنیان دۆزیوەتەوە کە لە بەشەکانی باکووری پارێزگای گیۆنگی و سیئۆلی پایتەخت نیشتوونەتەوە، ئەوەش دوای ئەوەی هەڵدانی باڵۆنەکان لە پاشنیوەڕۆی چوارشەممە تاوەکو شەو بەردەوام بووە”.
بەپێی رۆژنامەکانی کۆریای باشوور ئەو باڵۆنانەی هەڵدراون زۆربەیان پارچە کاغەز و شووشەی پلاستیکییان تێدابووە و هیچ کەرەستەیەکی مەترسیداریان تێدا نەدۆزراوەتەوە.
پێشتر حکومەتی کۆریای باکوور لە مانگی ئایارەوە هەزاران باڵۆنی پڕ لە زبڵ و خۆڵ و خاشاکی بەرەو کۆریای باشوور هەڵدابوو وەک ناڕەزایەتییەک بەرامبەر بەو پڕوپاگەندەی دژ بە وڵاتەکەی کە لەلایەن چالاکوانانی کۆریای باشوورەوە بپیان رەوانە دەکرا.
