بەڕێوەبەرایەتیی هاتوچۆی سلێمانی رایدەگەیەنێت، هیچ بڕیارێكی نوێ لەبارەی ئۆتۆمبێلی بێ سەرەتا نییە و هەموو ئەو بابەتە كە بڵاوكراوەتەوە دوورە لە راستی و كاڵایەكی خراپی كەمپەینی پێشوەختەی هەڵبژاردنە.
بەپێی راگەیەندراوێكی بەڕێوەبەرایەتیی هاتوچۆی سلێمانی كە وێنەیەكی دەست تۆڕی میدیایی ئێستا كەوتووە و تێیدا هاتووە، هەندێك دەنگۆ لەبارەی تۆماركردنی ئۆتۆمبێلی بێ سەرەتا بڵاوكراونەتەوە و بەناوی هاتوچۆی سلێمانییەوە قسەكراوە، هەموو ئەو بابەتە دوورە لە راستی و كاڵایەكی خراپی كەمپەینی پێشوەختەی هەڵبژاردنە.
دەشڵێت، “هاتوچۆ هۆبەیەكی نییە بەناوی وتەبێژەوە هیچ ئەفسەرێكمان ناونیشان و پۆستی وتەبێژی هاتوچۆی سلێمانی نییە و ئەو جۆرە بابەتە كەس بۆی نییە بەو ناوەوە لێدوان بدات و هیچ بڕیارێكی نوێ لەبارەی ئۆتۆمبێلی بێ سەرەتا نییە”.
