كۆبوونەوەكەی ئەمڕۆی یەكێتی و پارتی لە سلێمانی كۆتایی هات.
پێش نیوەڕۆی ئەمڕۆ شاندی پارتی دیموکراتی کوردستان گەیشتە بارەگای مەکتەبی سیاسیی یەکێتیی نیشتمانیی کوردستان و کۆبوونەوەی نێوانیان دەستیپێكرد، پەیامنێرمان پێی راگەیاندین كەمێك پێش ئێستا كۆبوونەوەكە كۆتایی پێهات.
شاندی پارتی پێکهاتوون لە، مەحمود محەمەد، جەعفەر ئیمینکی، هێمن هەورامی و ئومێد سەباح، لەلایەن شاندی یەکێتی کە پێکهاتبوون لە قوباد تاڵەبانی، دەرباز کۆسرەت رەسوڵ و ئاسۆ مامەندەوە پێشوازییان لێکرا.
کۆبوونەوەی نێوان هەردوولا لە مەکتەبی سیاسیی یەکێتی لە سلێمانی بەڕێوەچوو و بڕیارە دواتر راگەیەندراوێكی هاوبەش بڵاوبكەنەوە.
