جێگری بەڕێوەبەری خانەنشینی پێشمەرگە رایگەیاند، مووچەی خانەنشینی پێشمەرگە بۆ مانگی حەوت بە هاوتاکراوی دابەشنەکراوە و چاوەڕێش ناکرێت بۆ مووچەی مانگی هەشت بە هاوتاکراوی دابەشبکرێت.
فەتحوڵا عومەر جێگری بەڕێوەبەری خانەنشینی پێشمەرگە بە تۆڕی میدیایی ئێستای راگەیاند، بۆ مانگی حەوت مووچەی خانەنشینی پێشمەرگە بە هاوتاکراوی دابەشنەکرا، چونکە رێکاریی یاسایی زۆری پێویستە، پێناچێت بۆ مووچەی مانگی هەشتیش بە هاوتاکراوی دابەشبکرێت.
ئاشکراشیکرد، ئەگەر لە ئێستاوە دەست بە رێکارەکانی هاوتاکردنی مووچەی خانەنشینانی پێشمەرگە بکرێت، چوار بۆ پێنج مانگی پێویستە تا تەواودەکرێت.
