سەرپەرشتیاریی ئیدارەی گەرمیان رایگەیاند، پرۆژەی دوو سایدی کەلار – دەربەندیخان بە چڕی کاری تێدادەکرێت و 85% ی کارەکانی تەواوبووە.
جەلال نوری سەرپەرشتیاریی ئیدارەی گەرمیان رایگەیاند، کارکردن لە پرۆژەی دوو سایدی کەلار – دەربەندیخان قۆناغێکی باشی بڕیوە، بەشێکی زۆری کارەکانی تەواوبووە کە دەکاتە 85%.
ئاماژەی بەوەشکرد، لەگەڵ دەستپێکردنەوە بە پرۆژەکە کارکردن تێیدا زۆری بە چڕی بەڕێوەدەچوو لە زیاتر لە 10 شوێنەوە کاری تێدادەکرا، ئەمەش کێشەی لادانی کاتی بۆ شۆفێران دروستدەکرد، لە ئێستادا لادانەکان تەواوبوون و تەنها یەک شوێن ماوە و ئەوەش تا کۆتایی ئەم مانگە تەواودەبێت.
وتیشی، بەپێی پلانەکان لە زووترین کاتدا پرۆژەکە تەواودەکرێت و دەچێتە خزمەتی شۆفێران.
