وەزارەتی پێشمەرگە لە راگەیەندراوێكدا لەبارەی گرفتی پێنەدانی هاوكارییە داراییەكانی هاوپەیمانان بۆ بەشێك لە هێزەكانی پێشمەرگە رایدەگەیەنێت، ئەم گرفتە هیچ پەیوەندییەكی بە بڕیارەكانی وەزارەتی پێشمەرگەوە نییە، بەڵكو راستەوخۆ پەیوەندیدارە بەشێوازی كاركردن و پێدانی هاوكاریی هاوپەیمانان بەیەكە سەربازییەكان.
لە راگەیەندراوەكەی وەزارەتی پێشمەرگەدا هاتووە، گرفتی ئەم یەكە سەربازییانەش پەیوەستە بە بوونی رۆتینێكی ئەمنیی هێزەكانی هاوپەیمانان، لەم بارەیەشەوە وەزارەتی پێشمەرگە هەنگاوی پێویستی ناوە و كاری جددی لەسەركردووە.
ئاماژە بۆ ئەوەش كراوە، چاوەڕوانی بڕیاری هاوپەیمانان دەكەین بۆ رێكخستنەوە و چۆنییەتی دابەشكردنی هاوكارییەكانیان بۆ یەكەكانی سەر بە وەزارەتی پێشمەرگە.
