بەڕێوەبەرایەتیی هاتوچۆی گەرمیان بڵاویکردەوە، لەسەر رێگای پشتێنەی شاری کەلار بەهۆی وەرگەڕانی ئۆتۆمبێلێکەوە دوو کەس برینداربوون و رەوانەی نەخۆشخانە کران.
رووداوەکە درەنگانی شەوی رابردوودا لە نزیک کاتژمێر 1:30 خولەکی شەو روویداوە و ئۆتۆمبیلێک کە لە جۆری تۆیۆتا هایلۆکس بووە لەسەر رێگای لەسەر رێگای پشتێنەی شاری کەلار بە ئاڕاستەی زانکۆی گەرمیان رۆیشتووە لە نزیک مزگەوتی ئاشتی، کۆنترۆڵی لەدەستدا و وەرگەڕا و بەهۆیەوە دوو کەس برینداربوون.
باس لەوەشکراوە، بریندارەکان شۆفێر و سەرنشینی ئۆتۆمبێلەکە بوون و رەوانەی نەخۆشخانەی فریاکەوتنی شەهید هەژار کران و بەهۆی سەختی برینەکەیەوە، سەرنشینی ئۆتۆمبێلەکە رەوانەی سلیمانی کرا و لێکۆڵینەوە لە رووداوەکە لەلایەن تیمی هاتوچۆوە دەستی پێکردووە.
