دەستەی خانەنشینیی عێراق بڵاویکردەوە، رێکارەکانی خەرجکردنی مووچەی مانگی نۆی خانەنشینانی عێراق تەواوکراوە و دەست بە دابەشکردنی مووچەکانیان دەکرێت.
ئەمڕۆ یەکشەممە، دەستەی خانەنشینی عێراق تەواوبوونی رێکارەکانی ناردنی پارەی مووچەی خانەنشینان بۆ بانکەکان راگەیاند بە مەبەستی خەرجکردنی مووچەی خانەنشینی بۆ مانگی ئەیلول.
حوسام عەبدول سەتار، جێگری سەرۆکی دەستەکە بە ئاژانسی هەواڵی عێراقی راگەیاندووە، رێکارەکان بە هەماهەنگی لەگەڵ بەشی ژمێریاری وەزارەتی دارایی لەژێر رێنمایی راستەوخۆی وەزیری دارایی و سەرۆکی دەستەی خانەنشینی نیشتمانی تەواوکراون.
