شەوی ڕابردوو، چوارشەممە یانەی پاریس سانت جێرمان بە ئەنجامی دوو گۆڵ بەرانبەر گۆڵێک جامی سوپەری ئیسپانیای لە یانەی مارسیلیا بردەوە.
بەر لەم ڕوبەڕوبوونەوەیە، مارسیلیا لە چوارچێوەی یارییەکانی خولی فەرەنسا بە ئەنجامی گۆڵێکی بێوەڵام بەرانبەر پاریس سانت جێرمان بردنەوەی تۆمارکرد، لەم یارییەشدا نێیمار لەگەڵ ئەلڤارۆ گۆنزالێسی بەرگریکاری مارسیلیا بەشەڕ هات و بەهۆیەوە لە یاریگا کرایە دەرەوە، دواتر یاریزانە بەرازیلیەکە ڕایگەیاند، ” بەداخەوەم کە زللەیەکم لێنەدا” و ڕکابەرەکەی بە ڕەگەزپەرستی تۆمەتبارکرد.
شەوی ڕابردوو و دووبارە ئەم دوو یاریزانە لەناو یاریگا بەرانبەر یەکدی وەستانەوە و چەندینجار بەرگریکارە ئیسپانیەکە لێدانی توندی ئاڕاستەی هێرشبەرەکەی پاریس کرد، دوای یارییەکەش، جەنگی ڕاگەیاندنی نێوانیان گواسترایەوە بۆ تۆڕی کۆمەڵایەتی تویتەر.
Mes parents m'ont toujours appris à sortir les poubelles. Allez L’OM toujours💙 pic.twitter.com/wmJGbHTByQ
— Álvaro González (@AlvaroGonzalez_) January 13, 2021
ئەستێرەکەی سیلیساو وێنەیەکی خۆیی بڵاوکردەوە و لەسەری نوسی “ئەلڤارۆ گۆنزالێس، ڕاستە؟”، لە وێنەکەشدا ناوبراو گاڵتەجاڕی دەکات.
لە وەڵامی ئەم تویتەدا، ئالڤارۆ نوسی، ” دایکم و باوکم فێریانکردوم هەمیشە خۆڵ و خاشاک بەم شێوەیە فڕێبدەم، مارسیلیا بۆ پێشەوە”.
مەبەستی ئالڤارۆ ئەوەیە، کە سەری نێیماری وەک کیسەی خۆڵ و خاشاک گرتووە و فڕێیدەداتە دەرەوەی یاریگا.
