وەزارەتی ئەوقاف و کاروباری ئاینی بڵاویکردەوە، بڕیاردرا مانگانە مینحەیەک بدرێتە مامۆستایانی ئاینی خۆبەخش، ئەوانەی کە هیچ داهاتێکی دیکەیان نییە و پارەکە لەسەر بوودجەی وەزارەت دابیندەکرێت.
وەزارەتەکە ئاماژەی بەوەشکردووە، پێدانی مینحەکە تاوەکو کۆتایی ساڵی 2024 و ئامادەکردنی پڕۆژەبودجەی حکومەتی ھەرێمی کوردستان بەردەوام دەبێت و ئەوکات، رێکاری کارگێری و یاسایی بۆیان دەگرینەبەر، بۆ ئەوەی بە مافەکانیان بگەن.
لە بەشێکی دیکەی راگەیەندراوەکە ئەوەش هاتووە، مامۆستایانی ئاینی خۆبەخش لەماوەی رابردودا رۆڵی گەورەیان ھەبووە لە پڕکردنەوەی بەشێکی میلاکی مزگەوتەکان و خزمەتکردنی نوێژخوێنان و جێبەجێکردنی ئەرکە ئاینی و نیشتمانی و مرۆییەکان.
