خۆسەر نیگەرانە لە ناونووسكردنی سەرباز و فەرمانبەرە هەڵاتووەكان لەلایەن دیمەشقەوە

دیمەشق بەردەوامە لە ناونووسینی سەربازە هەڵاتووەکان و فەرمانبەرانی پێشوو لە ڕەقە و ‏دێرەزور و حەسەکە، ئەنجومەنی سوریای دیموکراتیش ئەو هەوڵە بە دوورکەوتنەوەی ‏حکومەتی سوریا دەزانێت لە چارەسەری کێشەکان.‏

ئاژانسی سانای سوری بڵاویكردەوە، “ئەو کەسانەی لەلایەن لیژنەکەوە ناونووسدەکرێن، ‏دواتر لەلایەن هەسەدەوە لێکۆڵینەوەیان لەگەڵدا دەکرێت و هەندێکیشان دەستگیر دەکرێن”.‏

لەبەرامبەر ئەو هەوڵەدا، به‌ڕێوه‌به‌رایەتی خۆسه‌ر له‌ تۆڕی كۆمەڵایەتیی فه‌یسبووك، ‏ڕاگەیەندراوێكی بڵاوكردووه‌ته‌وه‌ و باس له‌وه‌دەکات‌، “هێشتا حكومه‌تی دیمه‌شق واقیعی ‏وڵاته‌كە ‌و ئه‌و قه‌یرانانه‌ی‌ پشتگوێخستووه‌ كه‌ له‌سه‌رجه‌م ئاسته‌كان به‌رۆکی وڵاتی ‏گرتووه‌”.‏

خۆسه‌ر ئه‌و پرۆسه‌یه‌ی‌ به‌ “فێڵكردن له‌ ڕایگشتیی جیهان و سوریا” لەقەڵەمداوە و ‏ڕاشیگه‌یاندووه‌، “واباشتره‌ حكومه‌تی دیمه‌شق پرسی گفتوگۆی نیشتمانی‌ بكاته‌ بنه‌ما و ‏له‌گه‌ڵ ڕاستیی گۆڕانكارییه‌كاندا بێته‌وه‌، ئامانجیش له‌و پرۆسه‌یه‌ سوریا و گه‌له‌كه‌ی‌ بێت، ‏نه‌ك ته‌نها ده‌سه‌ڵات”.‏

خۆسەرییەكەی ڕۆژئاوای كوردستان پێشیوایە، دیمه‌شق له‌ هه‌وڵی ئه‌وه‌دایه‌ “شه‌رعیه‌ت ‏بدات به‌ بوونی خۆی له‌و شوێنانه‌ی‌ نه‌یتوانیوه‌ بۆیان‌ بگه‌ڕێته‌وه، دوای‌ ئه‌وه‌ی‌ شكستیهێناوه‌ ‏له‌ گه‌ڕانه‌وه‌، بۆیه‌ هه‌ر جاره‌ی‌ به‌شێوه‌یه‌ك له‌ هه‌وڵی نانه‌وه‌ی‌ پشێوییه‌ له‌نێوان پێكهاته‌كانی ‏ئه‌و ناوچانه‌دا”.‏

تا ئێستا ڕوسیا و ئیدارەی خۆسەر لە ڕۆژئاوا چەندجارێک ئامادەییان دەربڕیووە بۆ ‏گفتوگۆی نێوان خۆسەر و حکومەتی دیمەشق، بەڵام حکومەتی سوریا هەوڵەکانی جددی ‏نین بۆ گفتوگۆ.‏

بابەتی پێشتر

تورکیا.. ئەردۆغان هەڕەشە لە دەزگاكانی میدیا دەکات

بابەتی دواتر

پەتای كودەتا ئەفریقای گرتووەتەوە.. شەش كودەتا لە ماوەی 18 مانگدا ئەنجامدراون

بابەتی پەیوەندیدار
Total
0
Share