بەڕێوەبەرایەتیی ئاسایشی هەولێر رایدەگەیەنێت، لە گەڕەكێكی هەولێر كەسێك بە تۆمەتی هێرشكردنە سەر هاوڵاتییەك دەستگیركرا.
بەپێی راگەیەندراوێكی بەڕێوەبەرایەتیی ئاسایشی هەولێر كە وێنەیەكی دەست تۆڕی میدیایی ئێستا كەوتووە و تێیدا هاتووە، لە 20ی ئەم مانگەدا كەسێك لە گەڕەكی هەولێری نوێ لەسەر كێشەیەكی كۆمەلاێەتی بەچەكێكی بێمۆڵەت هێرشیكردووەتە سەر هاوڵاتییەك لەشوێنی كارەكەی و چەند فیشەكێكی تەقاندووە.
لە راگەیەندراوەكەدا هاتووە، لەسەر ئەم تۆمەتە بەفەرمانی دادوەری لێكۆڵینەوەی ئاسایشی هەولێر تەقەكەرەكە دەستگیركراوە و داوا لە هاوڵاتییان دەكەین لەكاتی بوونی هەر كێشەیەكی كۆمەڵایەتی پەنا نەبەنە بەكارهێنانی چەك،بەڵكو بەڕێگای یاسا داوای مافی خۆیان بكەن، هەروەها هەركەسێك چەك بەكاربهێنێت و تەقە بكات لە لایەن هێزەكانمانەوە دەستگیردەكرێت.
