رێبوار تەها، پارێزگاری کەرکوک رێنماییدا بە راگرتنی دەوام لە رۆژی پێنجشەممەی داهاتوودا لەسەرجەم دامودەزگا حکومییەکانی کەرکوک کە هاوکاتە لەگەڵ چلەی ئیمام حوسێن.
ئەمەش لە کاتێکدایە، پارێزگاکانی موسەنا و سەلاحەدین رۆژانی چوارشەممە و پێنجشەممەیان کردووەتە پشووی رەسمی و سەرۆک وەزیرانی عێراق فەرمانێکی دەرکرد بۆ رۆژی یەکشەممەی داهاتوو لە تەواوی عێراق دەبێتە پشووی رەسمی.
ئەربەعین هاوکاتە لەگەڵ رۆژی 20ی سەفەر کە دووەم مانگی ساڵنامەی ئیسلامییە و یادکردنەوەکەشی رەگ و ریشەی لە نەریتە سەرەتاییەکانی پرسەی ئیسلامییەوە هەیە. موسڵمانانی شیعە ساڵانە لە رێگەی کۆبوونەوەی ماتەمینی و کردەوەی خێرخوازیەوە ئەو رۆژە یاددەکەنەوە.
