لێپرسراوی زەڕەنگەرەكانی سلێمانی رایدەگەیەنێت، نرخی زێر لە بازاڕدا بەرزبوونەوەی زیاتری بەخۆوە بینیوە و هۆكارەكەشی ئاشكرادەكات.
دلێر تاهیر، لێپرسراوی زەڕەنگەرەكانی سلێمانی لە لێدوانێكدا بە تۆڕی میدیایی ئێستای راگەیاند، ماوەی چەند رۆژێكە نرخی زێڕ لە بازاڕەكانی كوردستاندا بەرزبوونەوەی بەخۆوە بینیوە و یەك مسقاڵ زێڕی عەیارە 21 بە 348 دۆلار دەكڕدرێتەوە كە نزیكەی 522 هەزار دینارە و یەك مسقاڵ زێڕی عەیارە 18 بە 298 دۆلار دەكڕدرێتەوە كە دەكاتە نزیكەی 447 هەزار دینار.
وتیشی، “بەرزبوونەوەی نرخی زێڕ زیاتر جیهانییە و پێشتر یەك مسقاڵ زێڕی عەیارە 21 بە نزیكەی 480 بۆ 490 هەزار دیناردا بووە”.
