بەهۆی کێشەیەکی کۆمەڵایەتییەوە لە ناحیەی تەکیەی سنووری چەمچەماڵ کەسێک کوژرا و دوو کەسی دیکە برینداربوون.
رەمک رەمەزان، قائیمقامی چەمچەماڵ، بە تۆڕی میدیایی ئێستای راگەیاند، شەوی رابردوو لە ناحیەی تەکیەی سنووری قەزای چەمچەماڵ بەهۆی کێشەیەکی کۆمەڵایەتییەوە شەڕ لەنێوان خانەوادەی زاوا و خەزورێک روویدا و بەهۆیەوە کوڕێکی تەمەن 23 ساڵان کوژرا و دوو کەسی دیکە برینداربوون.
باسی لەوەش کرد، کوژراوەکە ناوی ئالان تاڵب-ە و لەدایکبووی ساڵی 2001-ە.
بە وتەی قائیمقامی چەمچەماڵ، بڕیاری دادوەر بۆ دەستگیرکردنی چەند تۆمەتبارێک دەرچووە، کە ئێستا هەڵاتوون و لێکۆڵینەوەکان بەردەوامن.
