وتەبێژی وەزارەتی پەروەردەی هەرێم رایگەیاند، تا ئێستا هیچ وادەیەک بۆ دەستپێکردنەوەی ساڵی نوێی خوێندن رانەگەیەندراوە.
سامان سیوەیلی وتەبێژی وەزارەتی پەروەردەی هەرێم بە تۆڕی میدیایی ئێستای راگەیاند، بۆ دیاریکردنی ساڵی نوێی خوێندن پێویستە ئەنجومەنی وەزارەت کۆبوونەوەیەک بکات و بڕیار بدات و ئامادەکارییەکان دەستپێبکات، بڕیارە لەم نزیکانەدا ئەو کۆبوونەوەیە سازبکرێت و بڕیاربدرێت.
ساڵانە لە هەرێمی کوردستان لە مانگی ئەیلولدا ساڵی نوێی خوێندن دەستپێدەکات، پێشتر دەنگۆی ئەوە بڵاوبووەوە بۆ ئەمساڵ لە 13 ی ئەیلول ساڵی نوێی خوێندن لە هەرێم دەستپێدەکات.
