ئێوارەی رۆژی یەكشەمە، لەمیانەی رێوڕەسمێكدا قوباد تاڵەبانی، جێگری سەرۆكی ئەنجومەنی وەزیران بە ئامادەبوونی دكتۆر هەڤاڵ ئەبوبەكر، پارێزگاری سلێمانی و فاروقی مەلا مستەفا، و ژمارەیەك لە لێپرسراوانی ئیداریی پارێزگای سلێمانی، ئەندەرپاسی (فاروقی مەلا مستەفا)ی لە شەقامی بازنەیی مەلیك مەحمود لە شاری سلێمانی كردەوە.
ئەندەرپاسەكە پڕۆژەیەكی ستراتیژییە و تا رادەیەكی زۆر كێشەی ترافیك و قەرەباڵغی لەسەر شەقامی بازنەیی مەلیك مەحمود و سلێمانی بەگشتی كەمدەكاتەوە.
لە ڕێوڕەسمەكەدا قوباد تاڵەبانی، سوپاسی سەرمایەدار فاروقی مەلا مستەفای كرد لە جێبەجێكردنی پڕۆژەكە و ئەم هەنگاوەی بە نیشانەی خەمخۆری و پەرۆشی بەڕێزیان بۆ شاری سلێمانی و هاوڵاتییان وەسفكرد.
