لیژنە هاوبەشەکانی قائیمقامیەتی سلێمانی ئاماری کار و چالاکییەکانی سەرجەم لیژنەکانی بۆ مانگی تەمموز بڵاوکردەوە دەڵێت، ”ژمارەی سەردانەکان زیادیکردووە و داخستنی شوێنکارەکان کەمیکردووە”.
لە ئامارەکەی لیژنە هاوبەشەکانی قائیمقامیەتی سلێمانیدا هاتووە، ”لە مانگی تەمموزدا حەوت هەزار و 142 سەردان کراوە، لەکاتێکدا لە مانگی حوزەیراندا کەمتر لە حەوت هەزار سەردان کرابوو”.
ئەوەش خراوەتەڕوو، ”لە ئەنجامی ئەو سەردانانەدا 661 سەرپێچی تۆمارکراوە و 16 شوێنکار داخراون، لە کاتێکدا مانگی رابردوو 18 شوێن داخرابوون، هەروەها 44 تۆن و 406 کیلۆگرام خواردن و شمەکی خراپ و ماوەبەسەرچوو لەلایەن لیژنەی لەناوبردنەوە لەناوبراون”.
سەبارەت بە بڕی سزا داراییەکانی ئەم مانگە لە ئامارەکەدا ئەوە روونکراوەتەوە، ”لە ئەنجامی ئەو بەدواداچوونانەدا بە بڕی 51 ملیۆن و 550 هەزار دینار سزای دارایی سەرپێچیکاران دراوە کە دەبێت بە بەشێک لە داهاتی گشتی”.
