وەزارەتی پێشمەرگە بڵاویکردەوە، بەڕێوبەرایەتیی گشتیی بوودجە و بەرنامەکان (ژمێریاریی سەربازی) رایدەگەینێت، ئەو هەواڵە ناڕاستانەی لە بەشێک لە دەزگاکانی راگەیاندن بڵاودەکرێتەوە کێشەی بۆ هێزەکانی پێشمەرگە دروستکردووە.
بەڕێوەبەرایەتییەکە ئاماژەی بەوەشکردووە، لە بەشێک لە دەزگاکانی راگەیاندن هەواڵی ناڕاست بڵاودەکرێتەوە و ئەمەش کێشەی بۆ هێزەکانی پێشمەرگە دروست کردووە و وای کردووە بچنە بەردەم بانکەکان بەهۆی ئەو زانیارییە ناڕاستانەی بەشێک لە میدیاکان بڵاویدەکەنەوە.
دەشڵێت، داوا لە سەرجەم پێشمەرگە و ئەفسەران دەکەین بۆ هەر بابەتێک، کە پەیوەندی بە پێشمەرگەوە هەبێت پشت بە هەواڵ و زانیارییانە ببەستن، کە لە پەیجی رەسمی وەزارەتی پێشمەرگەوە بڵاودەکرێنەوە.
