کەشناسیی هەرێم رایدەگەیەنێت، لە ئەمڕۆوە پلەکانی گەرما روو لە بەرزبوونەوە دەکەن و بۆ سبەینێش بەردەوامیی دەبێت.
بەڕێوەبەرایەتیی کەشناسی و بومەلەرزەزانیی هەرێم بڵاویکردەوە، ئەمڕۆ سێشەممە ئاسمان بەگشتى ساماڵ دەبێت، پلەی گەرمی روو لە بەرزبوونەوە دەکات.
ئاشکراشیکرد، خێرایی با لەسەر خۆ – مامناوەند و لەنێوان ( 10 – 20 )کیلۆمەتر لە کاتژمێرێکدا دەبێت بەڵام لە بەشێک لە سنوورى پارێزگاى سلێمانى دەگاتە سەرووى 25 کیلۆمەتر لە کاتژمێرێکدا.
سەبارەت بە کەشوهەوای سبەینێ چوارشەممە کەشناسیی هەرێم روونیکردووەتەوە، ئاسمان ساماڵ و پەڵە هەوردەبێت، پلەی گەرمی بەرزبوونەوەی زیاتر بەخۆیەوە دەبینێت.
